Seite 16 - 2011-12-Hoeller

Gemeinderat un Komitee,
Partnerschaft met fremden Städten -
wat wör, wenn vier nit et "Jutta" hätten.
25. Beim nächsten sied ür flott em Bilde,
hä es der Boss van der Steinhauergilde.
Bei der KG‚ do es hä Vize,
Als Prinz ‘94, do wor hä Spitze.
Reinoldus Theater jütt et jedes Johr
un hä maat alles met Humor.
Bei Schalke es hä ooch bekannt,
"Stefan", der schönste Mann em Land.
26. Als nächster wuete dann gekürt,
eener‚ der fröhlich un engagiert.
Dat aal Bürgermeesteramt meddsen em Dorf
wor wie en Ruine, vüren am Korv.
Dä Pitter säte als Mann der Tat:
"Für avzerießen es dat zu schad".
Hä packte aan un jetz es et alt lang,
dat "Haus der Begegnung" steht schön am Hang.
Dat Jugendzentrum un mänicher Verein
kritt Ongerstützung vam Peterlein.
So koom em Johr Zweitausenddrei
der Ordensträger "Peter" dobei.
27. Em nächsten Johr dat Gremium ernennt
dat echte Lenkeler Showtalent.
Es immer noch ne flotte Biene,
et Heidi Kabel - "Ernestine".
Ob Mütterkaffee, Grüne Damen,
wo jelaacht wüet, kennt mer eenen Namen.
Theater beim Reinoldusfest -
un Griesgram haßt et wie die Pest.
Jetzt en der Rente met Getöse
maat et noch immer die Souffleuse.
28. Theaterspillen met Leidenschaft,
laut um deutlich, met voller Kraft.
Seit vierzich Johren alt maat hä dat
für de Steenkühler-Gilde, am lievsten op platt.
Es immer em Dienst, ooch op andere Art.
Für ärme Lück wor hä op Polenfahrt.
Malteser un Hölepen, dat es singen Sinn,
Behinderte fiehrt hä üvverall hin.
Bei jedem Fest es hä immer en Knüller
der Bessemsbenger "Helmut Müller".
29. 200 Ordner un vill Bedriev -
dat Wonnzömmer es en Privatarchiv.
Wat em Lenkeln passierte, es dokumentiert,
en Woet un Bild alles opjeführt.
Geschichte, Vereine, em Fall des Falles,
Hüser un Kirchen, et Ursula weeß alles.
Sojar de Gemeen frööt beim "Ursula" aan,
deshalb sollte et den Orden ooch haan.
30. Steenkühler, Gewerkschaft, Reinoldusgilde -
ech nemm ens aan, ür sied jetzt em Bilde.
Der "Siegfried", immer bescheiden un froh,
kütt met jedem zuräät, der ess halt so.
Met drüem Humor un immer gelassen,
maat hä beim Reinoldus de Kassen.
Nit vürenaan, am lievsten dohenger,
so wie en richtigen Bessemsbenger.
Un singen Jebuertsdach, der spricht alt für sech,
der 8. Aujust, jenau wie ech.
31. Der Siegfried beärbicht em Brungerscht de Steen -
als nächster koom eener van der Jemeen.
Hä hatte zu duen met Wasser un Chlor,
Em TuS wor hä Mitglied baal 50 Johr.
Do wor hä erIolgreich em Tennis aktiv,
baal vierzich Johr Vorstand, dat alles ooch lief.
Kontakte no Holland — Hilvarenbeek,
Pfarrgemeinderat statt Discothek.
Jetzt hät hä den Orden wie du un ich
un maat aus de Chronik, der "Ulerich".
32. Im Rampenlicht es nit sing Ding,
der Bürjermeester van der Ling.
Em stellen hät hä dirigiert,
baal alles, wat op der Ling passiert.
Nit huupöezich un van ovven erav,
ob als Schützenkönig oder Linde Alaaf,
als Reporter für de BLZ,
dat janze Dorf fengt den eo nett.
Ein Hervst, do fäächt hä selver de Stroßen,
met Fahrrad um Kärrchen süüt mer em roosen.
De Zeitung hatte für en dat Motto:
“Dä Erwin es wie en Sechser em Lotto“.
33. Sing Hauptbeschäftigung dat es de Scholl
die Lährer un Kenger fengen en toll.
Wenn hä ooch ovends no Hoffnungsthal fiehrt,
hät hä sech met Lenkeln identifiziert.
Fönef Saachen op eenmol, dofür es hä bekannt,
hie sind er bloß en paar jenannt.
Jubiläumsschrift – hätt der "Robert" jemaat,
Partnerschaften, Museumsrat,
Runder Tisch für die Kollegen
Schüleraustausch, Gräber pflegen.
All dat met Freude un Humor.
Jetz es hä met em Ritterchor.
34. Zweitausendzehn wor Keppel draan -
"Bernd Althaus" soll den Orden haan.
Humorvoll hölepen es sing Jebiet,
für sing Huhkeppel hät hä immer Ziet.
Dat Denkmol un der Heimatverein,
et "Weiße Pferdchen" maate hä fein.
De Liederwäg, Kommunalpolitik,
als Laienrichter vill op Jück.
Als Ritter Nummer Vierunddreißig
es Bernd ooch noch als Rentner fleißig.
Un für die Zukunft well ich aus jönnen,
dat vier noch mänichen begrüßen können.
Karl Blumberg