Fortsetzung der
Kurzchronik – Bessemsbenger-Orden
verfasst von Karl Blumberg
vorgetragen am 25. September 2011 beim Jahrestag
der Lenkeler Bessemsbenger in der Gaststätte
"Zum Musikalischen Wirt" zu Hartegasse
Stand: 02. Juli 2017
35. Den nächsten Orden kritt kennen Dichter,
den kritt der Chef üvver Zigdausend Lichter.
Die präsentiert jedes Johr janz fein,
der Georg met singem Musikverein.
Do es hä alt lang der ieschte Mann,
Oech em Kirchenchor sengt hä wat hä kann.
Hä es immer tätig bei honderten Saachen,
brengt beim Reinoldus de Lück an et Laachen.
Sorgt für Stimmung beim Theaterspillen,
hölept üvverall, doch meestens em Stillen.
Bloß Ritter Helmut, der es noch döller
als der neue Ritter Hans Georg Höller.
36. Der Ritter Nummer Sechsunddreißig
es üvverall un immer fleißig.
Seit Dressich Johren, engagiert
hät hä die AWO aanjeführt.
Wor aktiv em Jemeinderat.
Beim Sportverein als Mann der Tat,
der Obmann für et Sportabzeichen,
Doheemen selten zu erreichen.
Et heescht: "Hä es der universelle,
beliebte Mann für alle Fälle."
Un trotzdem maat hä kenn Jedöön,
Heinz Dinsing steht der Orden schöön.
37. Woröm es der Wilfried Werner hie ??,
dofür bruch ech ‘n paar Reihen mie.
Bei S+C, vamm Azubi
klomm hä bes janz ovven en de Hüh.
Dobei hät hä dann ooch jeliert,
wie mer als Chef en Saache führt.
Dat Können hät em nit jefählt,
hä wuete üvverall jewählt.
Beim Männer- un Jemeinschaftschor
wor hä em Vorstand etliche Johr.
Beim TUS, Tischtennis oder Schwimmen
oder beim Sportabzeichen-Trimmen.
Fastelovend met Trio oder Doppelquartett,
fongen en all die Jecken nett.
Am lievsten ävver, stett Sengen un Bützen,
hatte hä immer die Lenkeler Schützen.
Do hätt hä nit nur dat Schießen trainiert,
ooch zwei Jahrzehnte den Verein jeführt.
Weil hä alles maate met Hetz un Verstand,
hät en die Jury zum Ritter ernannt.
38. Em Sozialen tätig wie en fleißijes Bienchen
es uus Eebich et Hagens Katrinchen.
Et koom en et Berjische vam Niederrhein,
jing en Fringsdorp en den Mütterverein.
Den hät et en Vierdel Johrhundert jeführt
un leitet die Kreis-KFD engagiert.
Beim Strecken un Klönen, janz privat,
werden für Kenger dolle Saachen jemaat.
Hät die Fringsdorper Kleiderbörse erstellt
alles für ärme Lück met wennich Jeld.
Ooch bei der Speisekammer met bellijen Saachen
hürt mer et Katrinchen hölepen un laachen
Weil et sozial an andere denkt,
hät em der Papst en huen Orden jeschenkt.
Jetzt wüet et hie em Lenkelen jeehrt.
Der "Bessemsbenger" hät ooch singen Wert
39. Dat Freilichtmuseum es bekannt
weil die et Marianne hannt.
Denn et erklärt der janzen Welt:
"Wat die normal für Unkruut hält
dat kann wer oft zum Essen bruchen",
Et bruch bloß eeven draan ze ruchen.
Als "Kräuterhexe" deelt et mit:
Dat kannste bruchen, un dat jeht nit.
Mer süüt et oft em Jaaden liejen
hät alt vill Anerkennung kriejen.
Met singen Wessen hölept et dennen,
die van den Planzen janüüs kennen.
Als Fachfrau hät et en der Tat
aus Lenkelen bekannt jemaat.
40. Den dismool die Jury hät auserkoren
der hät alt vill Pöstcher - seit Fuffzich Johren.
Beim S+C wor hä Einkaufschef,
Präsident bei der KAJUJA - uus dem Eff-Eff.
Die vier Melonis, Fastelovend aktiv,
ömesüss jesongen em Tabakmief.
Als Nikolaus die Kenger beschenkt,
alt seit Jahrzehnten den SVF jelenkt.
Aktiv beim Fußball un als Leichtathlet,
der janze Verein steil no ovven jeht.
En dutzend Sparten opjeführt,
durch Rolf un sing Lück organisiert.
Met "Sport vor Ort" un Fußballdamen,
durch Rolf kritt Frielingsdorf en Namen.
Dofür do jütt et den Beweis,
Hä wuete Chef vam Fußballkreis.
Es zuverlässlich un packt aan,
So‘n Vorstand mööte jeder haan.
Sing Frau, et Resi freut sech met,
dat singen Rolf den Orden kritt.
Lindlar, 2. Juli 2017
Karl Blumberg
Chronik der Lenkeler Bessemsbenger 2017/18
Bessemsbenger Brauchtum
Jahrestreffen am Sonntag, 22. Oktober 2017
im Gasthaus „Die Tenne“ zu Voßbruch
